Bu ölkənin əhalisi 18 faiz azaldı

Kubada aparılan araşdırmaya görə, 2022-2023-cü illər arasında ölkədə əhalinin sayı 18 faiz azalıb.

News24.az xəbər verir ki, Kubada aparılan müstəqil araşdırma nəticəsində 2022-2023-cü illər arasında ölkə əhalisinin 18 faiz azaldığı üzə çıxıb.

İspaniyanın EFE xəbər agentliyinə danışan Kubalı iqtisadçı və demoqraf Xuan Karlos Albizu xüsusilə iqtisadi çətinliklər, kütləvi miqrasiya faktorları səbəbindən ölkə əhalisinin 2021-ci ildən əriməyə başladığını bildirib.

Albizu ölkədə ölümlərin doğum sayından çox olduğunu və Kubada əhalinin sayının 9 milyonun altına düşdüyünü iddia edib.

Xəbərdə 2021-ci ilin oktyabrından 2024-cü ilin aprel ayına qədər 738 min 680 kubalının qeyri-qanuni və ya başqa yollarla ABŞ-a köç etdiyi bildirilib.

Milli Statistika və İnformasiya İdarəsinin (ONEI) 31 dekabr 2021-ci il tarixində verdiyi açıqlamada Kuba əhalisinin 11,11 milyon nəfər olduğu bildirilir.

Günel Məlikzadə