Fələstin prezidentinin Moskvaya səfəri - ƏTRAFLI

Kremlin sözçüsü Dmitri Peskov jurnalistlərə bildirib ki, Fələstin prezidenti Mahmud Abbasın Rusiyaya səfəri planlaşdırma mərhələsindədir və dəqiq tarixlər yaxın vaxtlarda açıqlanacaq.

News24.az xəbər verir ki, bundan əvvəl KİV-lər Fələstin liderinin Moskvaya səfərinin avqustun 12-14-nə planlaşdırıldığını bildirmişdilər.

"Təsdiq edə bilərəm ki, həqiqətən də, cənab Abbasın Rusiyaya səfəri hazırdır, hazırlığın son mərhələsindədir. Dəqiq tarixləri tezliklə sizə bildirəcəyik", - Peskov bildirib.

Qeyd edək ki, Abbasın Rusiyaya səfəri 2023-cü il noyabrın 15-nə planlaşdırılıb, lakin prezidentin Yaxın Şərq və Afrika üzrə xüsusi nümayəndəsi vəzifəsini də icra edən Rusiya xarici işlər nazirinin müavini Mixail Boqdanov daha sonra Fələstin tərəfinin tələbi ilə təxirə salındığını bildirib.

Məryəm İlhamqızı