Tramp zarafatı ona baha başa gəldi

28 yaşlı alman komediya aktyoru ABŞ-ın keçmiş prezidentinə qarşı sui-qəsd cəhdini alqışlayan kimi görünən paylaşımlar edib.

komediyaçı paylaşımlarından sonra əvvəlcə Donald Tramp tərəfdarları, sonra isə İlon Maskla problemə düşüb.

News24.az xəbər verir ki, El Hotzo adı altında yayımlanan və çıxış edən Sebastian Hotz, Trampın ölümdən çətinliklə xilas olmasından sonra bu həftə Maskın sosial media platforması X-də bir sıra tvitlərə görə ictimai yayımdakı işini itirib.

O, paylaşımına “təəssüf ki, sonuncu avtobus getdi” sözlərini əlavə edərək, Trampın ölümdən çətinliklə xilas olduğunu bildirib.

Komediyaçı "Faşistlərin ölməsi həqiqətən də gözəldir" sözlərini paylaşıb.

X-də 700 mindən çox izləyicisi olan Hotz orijinal paylaşımları silsə də, skrinşotlar sosial mediada yayılmağa davam edib.

Özünü müdafiə etmək üçün yazılarını davam etdirən Hotz yazıb: “Qətiyyən heç kim heç kimi faşistlərə rəğbət bəsləməyə məcbur etmir”.

Qeyd edək ki, mübahisə Berlində yerləşən ictimai yayımçı RBB-ni Hotz-un 2022-ci ildən bəri birgə aparıcılıq etdiyi Theoretisch Cool radio şousunda çıxışını ləğv etməyə vadar edib. 

Hotz, X-də işini itirdiyini, "Almaniyanın ən təkəbbürlü işsiz adamıyam" deyərək açıqladı.

Günel Məlikzadə