Dünyaya Covid-19 üçün yenidən xəbərdarlıq

ABŞ prezidenti Co Bayden bu yaxınlarda Covid-19-a tutulmuş yeganə şanssız insan olmayıb.

News24.az xəbər verir ki, bu yaxınlarda ABŞ-ın 21 ştatında çirkab sularda SARS-COV-2 virusunun "çox yüksək" səviyyələri müşahidə edilib.

Mütəxəssislərin fikrincə, bu yay Covid infeksiyalarının artması 2023-cü ilin eyni dövrü ilə müqayisədə daha yüksəkdir.

Yüksək temperatur səbəbindən yay səyahətlərinin və qapalı fəaliyyətlərin artması halların 50 faizindən çoxunu təşkil edən iki yeni variantın (KP.3 və KP.3.1.1) artmasına səbəb olub.

Məlumatlar göstərir ki, ABŞ-ın ən azı 21 ştatında Covid hadisələri çox yüksək səviyyədədir.

Epidemiyadan illər keçdikcə, daha az insanın Covid testi etdirməsi ilə xəstəliyi aşkar etmək çətinləşir.

Mütəxəssislər xəbərdarlıq ediblər ki, simptomlara diqqət yetirmək həmişəkindən daha vacibdir.

Qeyd edək ki, ümumi Covid simptomlarına aşağıdakılar daxildir:

• Burun axması
• Yorğunluq və əzələ ağrıları
• Boğaz ağrısı
• Öskürək
• yüngül qızdırma
• Bulantı və ya ishal

Həkimlər deyirlər ki, Covid-i göstərən aşkar simptomlar yoxdur, buna görə də əmin olmağın yeganə yolu testdən keçməkdir.

Günel Məlikzadə