Eşşək arısından qorunmaq üçün dənizə girdi, boğulub öldü

İtaliyanın cənubundakı Krotone şəhərində 47 yaşlı ukraynalı mühəndis iyulun 27-də arı sürüsündən qaçmağa çalışarkən çimərlikdə ölüb.

News24.az Editor.az-a istinadla xəbər verir ki, bu barədə iyulun 28-də “Corriere della Sera” yazıb. Qeyd olunur ki, ukraynalı çimərlikdə arı sürüsü görüb və dənizə dalaraq onlardan xilas olmaq qərarına gəlib. Ölümün səbəbinin sancma nəticəsində yaranan anafilaktik şok olduğu düşünülürdü, lakin adamda eşşəkarısı əlaməti olmadığı aşkarlanıb.

Ona görə də onun infarkt keçirərək boğularaq öldüyü güman edilir. KİV xəbər verir ki, ukraynalını xilas etmək onu təqib edən arıların çoxluğuna görə çətin olub. Onlar yaxınlaşan hər kəsi, o cümlədən polisləri və karabineriləri sancıblar. Çimərliyə baxış keçirildikdən sonra arıların birbaşa qumda məskunlaşdığı müəyyən edilib. İyulun 28-i səhər saatlarında Krotone şəhərinin meri çimərliyin arı hücumunun baş verdiyi hissəsinin bağlanması barədə göstəriş verib.