"Beşiktaş" Reqilonu istəyir

Sol cinah müdafiəçisi axtarışlarının davam etdiyi "Beşiktaş"da transfer cəhdləri sürətlənərkən yeni iddia ortaya atılıb.

News24.az xəbər verir ki, qara-ağların "Tottenhem"də çıxış edən 27 yaşlı sol cinah müdafiəçisi Reqilonu gündəmə gətirdiyi iddia edilib.

Ötən mövsüm ara transfer dövründə "Mançester Yunayted"dən "Tottenhem"ə qayıdan və mövsümün qalan hissəsi üçün "Brentford"a icarəyə verilən Reqilonun Premyer Liqa komandası ilə daha 1 illik müqaviləsi var.

Qeyd edək ki, hazırda bazar dəyəri 12 milyon avro olan ispan müdafiəçi karyerasında Premyer Liqada 77 matçda 2 qol vurub, 10 məhsuldar ötürmə edib.

Günel Məlikzadə