Elektron siqaretin ağciyərlərə ZƏRƏRLƏRİ

İngiltərədə aparılan araşdırmaya görə, elektron siqaretlərin ən az siqaret qədər ağciyərlərə zərər verdiyi açıqlanıb.

News24.az xəbər verir ki, araşdırma çərçivəsində elektron siqaret istifadəçiləri və siqaret çəkənlər iki qrupda araşdırılıb. 

Bu kontekstdə, 20 yaşlarında olan 60 nəfərdən idman velosipedindən istifadə edərkən ağciyər tutumlarını qeyd etmələri istənilib. Tapıntılar nəticəsində edilən açıqlamada, “60 iştirakçıdan 20-si ən az iki ildir elektron siqaretdən istifadə edirdi, 20-si ən az iki ildir siqaret çəkirdi, qalan 20-si isə siqaret çəkməyən idi. İştirakçıların ürək, ağciyər və əzələ reaksiyalarını maksimuma çatana qədər daha çətin səviyyələrdə təhlil etdik. Həm siqaret, həm də elektron siqaret çəkənlər daha çox təngnəfəs idi, sıx ayaq yorğunluğu yaşadılar və qanlarında laktat səviyyəsi daha yüksək idi."

Araşdırmanın müəlliflərindən olan Azmy Faisal öz açıqlamasında aşağıdakı ifadələrdən istifadə edib:

“Bu araşdırmada ağciyər zədəsi əlamətləri göstərməyən bir qrup gənci müayinə etdik. Siqaret çəkənlər və elektron siqaret istifadəçiləri idman velosipedlərindən istifadə edərkən ölçülə biləcək dərəcədə daha çox nəfəs aldılar. Nəfəs almaqda çətinlik çəkirdilər, əzələləri daha çox yorulurdu və ümumiyyətlə daha az formada idilər. Bu kontekstdə apardığımız araşdırmalar göstərdi ki, elektron siqaret, siqaretdən daha yaxşı deyil”.

Məryəm İlhamqızı