Əməkdar artist İFLİC OLDU

Rusiyanın Əməkdar artisti, sovet kinosunun seks simvolu Yelena Kondulaynenin bədəninin yarısı iflic olub. 

News24.az axşam.az-a istinadən xəbər verir ki, bu barədə "Mash" teleqram kanalı məlumat yayıb. Aktrisa Moskvada xəstəxanaya yerləşdirilib.

Bildirilib ki, o, xəstəxanada 44 gün qalıb. Sənətçinin bədəninin sağ tərəfi iflic olub. Buna səbəb Yelenanın keçirdiyi insult olub və onun beyni zədələnib. O, yeriməkdə, nitqində və yaddaşında problemlər yaşayır. Aktrisa halsızlıq və başgicəllənmədən şikayətlənir.

Qeyd edək ki, Yelena 2020-ci ildə də insult ilə xəstəxanaya yerləşdirilib.