Kofein istehlakı bu xəstəliyi azalda bilər

Fransada bir qrup 2010-2015-ci illər arasında yüngül koqnitiv pozğunluq və ya Alzheimer diaqnozu qoyulmuş xəstələr haqqında məlumatları araşdırıb.

News24.az xəbər verir ki, bu araşdırmaya qatılan 70 yaşdan yuxarı 263 nəfərin kliniki qiymətləndirmələri aparılıb, qəhvə, şokolad, çay və qazlı içkilər kimi kofein tərkibli qidaların istehlak miqdarı araşdırılıb. 

Gündə orta hesabla 200 milliqramdan bir qədər çox kofein qəbul edənlər “az” kofein qrupuna, daha çox kofein qəbul edənlər isə “yüksək” kofein qrupuna daxil edilib. 

Məlumatlar göstərib ki, daha az kofein istehlakı yaddaş problemləri ilə bağlı yüngül koqnitiv geriləmə riskini artırır. Aşağı kofeinli qrupda olanlarda Alzheimer və ya yüngül idrak pozğunluğu diaqnozu qoyulma riski təxminən 2,5 dəfə çox olub.

Bu araşdırma kofein istehlakının Alzheimer simptomlarına təsirini tam başa düşmək üçün kifayət deyil, lakin kofeinin ümumi sağlamlığa müsbət təsirini dəstəkləyən artan tədqiqat qrupu ilə birlikdə nəzərdən keçirildikdə, səhər qəhvəniz və ya günorta şokoladlı qəlyanaltınızın faydalı ola biləcəyi düşünülüb. 

Araşdırma Alzheimer's & Dementia jurnalında dərc olunub.

Məryəm İlhamqızı