Sərnişin qatarı yük maşınına çırpıldı: Fəlakətin qarşısı alındı

Edirnedən Kapıkule Sərhəd Qapısına gedən sərnişin qatarı şəhər mərkəzində relslər üzərində tərk edilmiş beton nasosu maşınına çırpılıb. 

News24.az xəbər verir ki, qəza səhər saatlarında şəhərin mərkəzində baş verib. 

35 sərnişini Edirne Vağzalından Kapıkule Sərhəd Qapısına aparan qatar, Yıldırım səmtinin yaxınlığında bir hissəsi relslərdə qalmış beton nasosu maşınına çırpılıb.

Xəbər verildikdən sonra hadisə yerinə həkim və polis briqadası göndərilib. Qatarda olan 35 sərnişin və maşinist xəsarət almadıqlarını bildirərək müalicəni qəbul etməyiblər.

Beton nasosunun sürücüsünün hadisə yerini tərk etdiyi müəyyən edilib.

Məryəm İlhamqızı