“Azər-Türk Bank”dan külli miqdarda kredit alan Ağayev qardaşlarına cinayət işi açıldı

“Azər-Türk Bank”ın müraciəti əsasında bankdan külli miqdarda kredit götürən və vaxtında ödəniş etməyən şəxslər barəsində cinayət işi açılıb.

News24.az-ın məlumatına görə, bankın iddiası ilə Kamil Ağayev və qardaşı Mirsultan barəsində Azərbaycan Respublikasının Cinayət Məcəlləsinin 195.2-ci, yəni, Qanunsuz kredit alma və ya kreditdən təyinatı üzrə istifadə etməmə - külli miqdarda ziyan vurmaqla törədildikdə maddəsi ilə iş açılıb.
Cinayət işinə Xətai Rayon Məhkəməsində hakim Fərid Yaqubovun sədrliyi ilə baxılacaq.