Azərbaycanda 14 nəfər spirtdən ZƏHƏRLƏNƏRƏK ÖLÜB

Bu günə qədər metil spirti zəhərlənməsi ilə Kliniki Tibbi Mərkəzin Toksikologiya şöbəsinə 24 nəfər daxil olub, onlardan 14-ü ölüb. 

Bu barədə şöbənin baş həkimi, baş toksikoloq Azər Maqsudov bildirib. Onun sözlərinə görə, metil spirti zəhərlənməsi ilə ötən həftə 2 nəfər müraciət edib, ölüm hadisəsi olmayıb.

“Bundan əlavə, 2 nəfər sirkə turşusu zəhərlənməsi ilə daxil olub, vəziyyətləri ağırdır. Həmçinin 3 nəfər dərmanların allergik reaksiyası nəticəsində bizə müraciət edib”.