Rusiyanın İjevsk şəhərində məktəbdə ölənlərin sayı 17 nəfərə çatdı

Rusiyanın İjevsk şəhərində məktəbdə baş verən atışma nəticəsində 17 nəfər həlak olub.

News24.az xəbər verir ki, bu barədə Rusiya İstintaq Komitəsindən bildiriblər.

Hadisə dünən səhər saatlarında 88 saylı məktəbdə olub. Məktəbin Artyom Kazantsev adlı keçmiş şagird təhsil müəssisəsinə daxil olaraq məktəblilərə atəş açıb. Hadisə nəticəsində 17 nəfər həlak olub, 23 nəfər yaralanıb. Daha sonra Artyom Kazantsev intihar edib.

Hadisə ilə bağlı Udmurtiyada sentyabrın 29-dək matəm elan edilib.