Zelenskinin ofisi: Lukaşenko Belarusun suverenliyini Rusiyaya satır

Belarus Prezidenti Aleksandr Lukaşenko ölkəsinin suverenliyini Rusiya Federasiyasına satmağa davam edir.

News24.az xəbər verir ki, bunu Ukrayna Prezident Ofisi rəhbərinin müşaviri Mixail Podolyak öz rəsmi “Twitter“ səhifəsində yazıb.

“Belarus Prezidentinin uydurulmuş bəhanə əsasında Rusiya və Belarusun birgə qoşun qruplaşması yaratması barədə bəyanatı işğalın rəsmiləşdirilməsidir. Ukrayna bütün riskləri dəyərləndirir və hər bir təhdidə hazırdır. Vəziyyət nəzarət altındadır və hazırda Belarusdan ərazilərimizə yenidən müdaxilənin əlamətləri yoxdur”, – Podolyak əlavə edib. /Apa/