Azərbaycandan Britaniyaya aparılmış çirkli pullarla bağlı azərbaycanlı milyonçunun məhkəməsi başlayıb

Londonda çirkli pulların yuyulması ilə bağlı irimiqyaslı beynəlxalq əməliyyatla əlaqədar daha bir azərbaycanlı milyonçu iş adamının məhkəməsi başlayıb. 

News24.az  Bakupost.az-a istinadla xəbər verir ki, məhkəmə istintaqı Böyük Britaniyanın Cinayətkarlıqla mübarizə üzrə Milli Agentliyinin iddiası əsasında başlayıb.

Hələlik azərbaycanlı oliqarxın adı gizli saxlanılır. Lakin Evening Standard və BBC həmin şəxsin adının açıqlanması üçün fəal mübarizə aparır.

Evening Standard qəzeti xəbər verir ki, iş adamı adının gizli saxlanılması üçün ümidsizcəsinə Britaniyanın ən məşhur üç hüquqşünasının xidmətindən istifadə edir.

Qeyd edək ki,  2022-ci ilin əvvəlində London məhkəməsi “Evening Standard” qəzetinin bəyanatı əsasında çirkli pulların yuyulmasında ittiham olunan azərbaycanlı oliqarx, “Avromed” şirkətinin rəhbəri, deputat Cavanşir Feyziyev və onun üç ailə üzvünün adından məxfilik qrifini götürmüşdü.