Məhərrəm İncə xəstəxanaya yerləşdirildi

Türkiyənin Məmləkət Partiyasının sədri Muharrem İnce xəstəxanaya yerləşdirilib.

Bu barədə partiya sədrinin özü sosial media hesabında məlumat verib.

O, xəstəliyinin səbəbini açıqlamayıb:

"Günümü xəstəxanada siyasətdən kənar bir gündəmlə keçirdim. Haqqımda şayiələr yayıldığını eşitmişəm. Hamısı qeyri-realdır. Zəng edib xoş arzularını çatdıran bütün dostlarıma təşəkkür edirəm", - deyə İncə vurğulayıb.

Qeyd edək ki, Türkiyədəki prezident seçkilərinə namizəd olan Məhərrəm İncə seçkilərə 3 gün qalmış namizədliyini geri çəkib. /Teleqraf.com/