Qarabağ getdi, biz nə edə bilərik? - Putin

Dağlıq Qarabağın statusu əsas məsələ idi, lakin Ermənistan özü onu Azərbaycanın bir hissəsi kimi tanıyıb.

News24.az  TASS-a istinadən xəbər verir ki, bunu Rusiya prezidenti Vladimir Putin “Valday” beynəlxalq diskussiya klubunun plenar iclasında deyib.

“2022-ci ilin payızında Praqada cənab Şarl Mişelin o zaman Fransa prezidenti Emmanuel Makron və Almaniyanın kansleri cənab Olaf Şolzun vasitəçiliyi ilə Almaniya Federativ Respublikası, Ermənistan və Azərbaycan rəhbərləri toplaşdılar və orada bəyanat imzaladılar, ondan belə çıxır ki, Ermənistan Qarabağı Azərbaycan Respublikasının bir hissəsi kimi tanıyıb. Bundan başqa, nümayəndə heyətinin rəhbərləri, Ermənistan rəhbərləri birbaşa adlarını çəkiblər. Kvadrat kilometrlərlə Azərbaycan ərazisi, təbii ki, Qarabağ da daxildir. Onlar Azərbaycanın suverenliyini vaxtilə SSRİ-nin tərkibində olan “Azərbaycan SSR” çərçivəsində tanıdıqlarını vurğuladılar. Bildiyiniz kimi, Qarabağ da Azərbaycan SSR-in tərkibində olub, mahiyyət etibarı ilə Qarabağın status tamamilə həll olunub”, - Rusiya prezidenti bildirib.

Putin qeyd edib ki, Qarabağ öz müstəqilliyini elan edəndə bu müstəqilliyi heç kim, hətta Ermənistan da tanımayıb. "Bu, mənim üçün qəribədir, amma buna baxmayaraq, belə bir qərar var idi, onlar Qarabağın müstəqilliyini tanımırdılar. Amma burada, Praqada Qarabağın Azərbaycana məxsus olduğunu tanıdılar. Sonra 2023-cü ilin əvvəlində Brüsseldə keçirilən analoji görüşdə də eyni şeyi təkrarladı. Yeri gəlmişkən, bu barədə bizə heç kim deməyib, mən şəxsən bunu mətbuatdan öyrənmişəm. Amma Azərbaycan həmişə hesab edib ki, Qarabağ öz ərazisinin bir hissəsidir. deyə Rusiya dövlətinin başçısı əlavə edib.