Rusiyada taksi qiymətləri ilə bağlı VACİB XƏBƏR - Nazirlik AÇIQLADI

Əksər regionlarda taksilərin gediş haqqı dəyişməyib.

News24.az "TASS"-a istinadən xəbər verir ki, Rusiya Federasiyasının Nəqliyyat Nazirliyi ölkə ərazisində taksi qiymətlərinin dəfələrlə artması ilə bağlı məlumatları təkzib edib. 

Əksər regionlarda xidmətin qiyməti dəyişməyib. Bəzi rayonlarda cüzi artım (1-dən 5%-ə qədər) olub ki, bu da dərs ilinin başlanması və əhalinin məzuniyyətdən qayıtmasının nəticəsidir” deyə, nazirlikdən bildiriblər. 

Bildirilib ki, eyni zamanda, Nəqliyyat Nazirliyi regional hakimiyyət orqanları, Federal Antiinhisar Xidməti və daşıyıcılarla birlikdə ayrı-ayrı bölgələrdə taksi qiymətləri ilə bağlı vəziyyəti təhlil edəcək.

Nazirlik əlavə edib ki, əgər konkret bölgələrdən danışsaq, məsələn, Primorsk diyarında gediş üçün orta gediş haqqı 7% azalıb, Omsk vilayətində, əksinə, orta gediş haqqının yüksək artımı qeyd olunub. 

Nəqliyyat Nazirliyi “qeyri-normal göstəriciləri”  süni tələskənlik və ya digər amillərlə izah edir.

Ülkər ABDURAHMANLI