Samuxda baş verən yanğında bir nəfər ölüb

Samux rayonunda baş verən yanğın zamanı bir nəfər yanaraq ölüb. 

Fövqəlada Hallar Nazirliyindən News24.az-a verilən məlumata görə, Samux rayonunda ümumi sahəsi 60 m² olan birmərtəbəli 2 otaqlı evin 1 otağının, mətbəxinin yanar konstruksiyaları və ev əşyaları 33 m² sahədə yanıb. Yanğının kəşfiyyatı zamanı 1972-ci il təvəllüdlü Habil Hüseynovun meyiti yanğınsöndürənlər tərəfindən aşkar olunub. Evin qalan hissəsi yanğından mühafizə olunub. 

Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.