İran BRİKS-ə rəsmi üzvlüyün başladığını elan etdi

İranın Xarici İşlər sözçüsü Kenani ölkəsinin BRİKS-ə üzvlüyünün rəsmi olaraq başladığını açıqlayıb.

News24.az "Unikal"a istinadla xəbər verir ki, Kenani BRİKS-in yeni üzvlərin iştirakı ilə beynəlxalq bərabərlikdə yeni əhəmiyyət qazandığını müdafiə edib. İran Xarici İşlər Nazirliyinin sözçüsü Nasser Kenani ölkəsinin BRİKS-ə üzvlüyünün bu gündən rəsmi olaraq başladığını və çoxtərəfliliyə önəm verdiklərini bildirib.

Kenani paytaxt Tehranda keçirdiyi mətbuat konfransında gündəmi dəyərləndirib.

İranın BRİCS-ə üzvlüyünün başlaması ilə bağlı Kenani ölkəsinin daha əvvəl imzalanmış müqavilə çərçivəsində BRİCS-ə üzv qəbul edildiyini və 1 yanvar 2024-cü il tarixindən etibarən rəsmi üzvlüyün başladığını bildirib.

BRİKS-in yeni üzvlərin iştirakı ilə beynəlxalq bərabərlikdə yeni bir əhəmiyyət qazandığını müdafiə edən Kenani ölkəsinin çoxtərəfliliyə önəm verdiyini və bu çərçivədə imkanları dəyərləndirdiyini bildirib.

İran-Ermənistan və Ermənistan-Azərbaycan münasibətlərinə gəlincə, sözçü Kənani bildirib ki, onlar hər zaman Ermənistan və Azərbaycan arasında əlaqələrin inkişafına dəstək verirlər.

Kənani ölkəsinin daha əvvəl imzalanmış ikitərəfli müqavilələr çərçivəsində Ermənistanın Kapan şəhərində Baş Konsulluq açdığını xatırladıb və Ermənistan tərəfinin Təbrizdə də öz Baş Konsulluğunu aça biləcəyini qeyd edib.

Məsələ ilə bağlı İranın xarici işlər naziri Hüseyn Əmir Abdullahian 2023-cü il dekabrın 27-də verdiyi bəyanatda Ermənistanın yeni ilin ilk həftələrində Təbrizdə konsulluq açacağını bildirib.