Dünyanın ən təmiz havasının sirri tapıldı

Alimlər müəyyən ediblər ki, yağış və buludlar Cənubi Okean üzərindəki havanı planetin ən təmiz havasına çevirməkdə əsas rol oynayır.

News24.az xəbər verir ki, Antarktika bölgəsindəki bu okeanda insan fəaliyyəti az olsa da, dənizdən gələn duz, küləkdən gələn toz və ya fitoplankton adlanan kiçik bitkiyə bənzər orqanizmlərin hissəcikləri kimi amillərlə çirklənir.

Lakin tədqiqatçılar bildiriblər ki, buludlar və yağışlar Antarktika okeanının üstündəki atmosferin təmizlənməsində mühüm rol oynayır.

Alimlər okean üzərində müxtəlif bulud modellərini aşkar etmək üçün yeni nəsil peyklərin məlumatlarından istifadə edərək kompüter proqramı hazırlayıblar.

Tədqiqatçılar xüsusi olaraq iqlimin bərpasında mühüm rol oynadığı bilinən pətək formalı bulud nümunələrinə baxıblar.

Bu buludlardakı pətək hüceyrələri, tutduqları ərazinin yağıntı miqdarına görə “açıq” və ya “qapalı” olurlar.

Alimlər müəyyən ediblər ki, havanın ən təmiz olduğu günlər təmiz pətək buludları ilə əlaqələndirilir. Güman edilir ki, bu buludlar güclü leysan əmələ gətirərək havadakı kir hissəciklərini “yuya” bilir.

Açıq buludlar tüklü ağ qapalı buludlardan daha çox nəm saxlayır və daha çox yağış verir.

Elm adamları araşdırma məqalələrində belə deyiblər: “Biz aşkar etdik ki, pətəkləri açıq olan buludlar qapalı buludlardan 6 dəfə çox yağış yağdırır”.

Günel Məlikzadə