İnəkdən quş qripinə yoluxdu

ABŞ-ın Texas ştatında südçü kimi çalışan kişi inəkdən quş qripinə yoluxub.

News24.az xəbər verir ki, ABŞ-da heyvandan insana keçən H5N1 virusuna yoluxan ikinci şəxs olduğu düşünülən adamda xəstəlik yüngül simptomlarla keçsə də, gözlərində görünən qan donub.

Xəstəliklərə Nəzarət və Qarşısının Alınması Mərkəzlərinin (CDC) mütəxəssislərinin fikrincə, virus mart ayında bir inəkdən keçib. Mütəxəssislər bu nəzəriyyəni dəstəkləyən genetik analizlərdən "güclü dəlil"in olduğunu bildiriblər.

Qeyd edək ki, xəstənin görüntüləri və vəziyyəti ilə bağlı əlavə məlumat New England Journal of Medicine tərəfindən nəşr olunan bir nəşrdə ətraflı təsvir edilib.

Tibb mütəxəssisləri xəstəyə konyunktiva altında qanaxma olan subkonyunktival qanaxma diaqnozu qoyublar. Onun sağ gözündə sulu axıntı olduğu müşahidə edilib.

İnsanın quş qripinə yoluxduğunu nəzərə alsaq, bu, məməlidən, xüsusən də inəkdən insana ötürülən ilk məlum hadisə ola bilər.

Günel Məlikzadə