Fransa AVRO-2024-ün tam heyətini açıqladı

Fransa millisinin baş məşqçisi Didye Deşam 2024-cü il Avropa çempionatında mübarizə aparacaq heyəti açıqlayıb.

News24.az xəbər verir ki, 2022-ci ildə aldığı zədədən sonra uzunmüddətli müalicə alan Kante də heyətə daxil edilib.

25 nəfərlik heyətdə Kilian Mbappe, Antuan Qrizmann, Olivye Jiru, Eduardo Kamavinqa, Ferland Mendi və Benjamin Pavard kimi ulduz adlar diqqət çəkir.

Heyətdə ilk dəfə bu həyəcanı yaşayacaq yeganə ad Paris Saint Germain-in 21 yaşlı cinah oyunçusu Bredli Barkoladır.

"Qalatasaray"dakı çıxışına görə "Bavariya"ya transfer olunan Sacha Boey heyətdə yoxdur.

FRANSANIN AVRO 2024 QRUPU

Fransa AVRO-2024 D qrupunda Avstriya, Hollandiya və Polşa ilə qarşılaşacaq.

Mavilər 1984 və 2000-ci illərdə Avropanın ən böyük komandası olmağı bacarıb.

Günel Məlikzadə