Nepallı "Everest Adam" rekordunu yenilədi

Nepallı alpinist Kami Rita 30-cu dəfə dünyanın ən hündür nöqtəsi olan Everest dağının zirvəsinə qalxaraq bir ay ərzində ikinci dəfə dünya rekordu qırıb.

News24.az xəbər verir ki, hökumət rəsmilərindən Khim Lal Gautam verdiyi açıqlamada Ritanın yerli vaxtla saat 08:00 radələrində 8 min 848 metr hündürlükdə zirvəyə çatdığını bildirib.

Beləliklə, Rita bu ay zirvəyə ikinci qalxması ilə rekordunu yeniləyərək “Everestin ən çox zirvəsinə qalxan insan” titulunu qoruyub.

Everesti ilk dəfə 1994-cü ildə fəth edən 54 yaşlı Rita mayın 12-də 29-cu dırmaşmasından sonra 30-cu dəfə zirvəyə qalxıb.

Nepalın aprel-iyun ayları arasında davam edəcək dırmanma mövsümü çərçivəsində 414 alpinistə Everesti fəth etməyə icazə verdiyi paylaşılıb.

Ötən il 600-dən çox alpinist Everestin zirvəsinə qalxa bildiyi halda, 18 alpinist həlak olub.

Günel Məlikzadə