NASA ən uzaq qalaktikanı tapdı

Son iki il ərzində alimlər astronomların “Kosmik Şəfəq” adlandırdıqları dövrü araşdırmaq üçün NASA-nın Ceyms Uebb Kosmik Teleskopundan istifadə edirlər.

News24.az xəbər verir ki, "Kosmik Şəfəq" böyük partlayışdan sonra ilk bir neçə yüz milyon il ərzində ilk qalaktikaların yarandığı dövrə aiddir.

Bu qalaktikalar kainat çox gənc olanda qazların, ulduzların və qara dəliklərin necə dəyişdiyi haqqında həyati vacib məlumatlar verir.

Qeyd edək ki, 2023-cü ilin oktyabrında və 2024-cü ilin yanvarında beynəlxalq astronomlar qrupu Qalaktikaları Qabaqcıl Dərin Ekstraqalaktik Tədqiqat (JADES) proqramı çərçivəsində müşahidə etmək üçün Webb-dən istifadə edib.

Uebbin NIRSpec (Yaxın İnfraqırmızı Spektroqraf) cihazından istifadə edərək, onlar böyük partlayışdan cəmi iki yüz doxsan milyon il sonra yaranan qalaktika tapıblar. Bu qalaktika indiyə qədər müşahidə edilən ən uzaq qalaktikadır.

Bildirək ki, "JADES-GS-z14-0" adlı qalaktika təəccüblü dərəcədə parlaq görünür və eni 1600 işıq ilidir.

Mütəxəssislər vurğulayırlar ki, rekord qıran ən uzaq qalaktika təkcə uzaqlığı ilə deyil, həm də ölçüsü və parlaqlığı ilə diqqət çəkir.

Bu təəccüblü nəticə kainatın necə yarandığını anlamağa kömək edə bilər.

Elm adamları ümid edirlər ki, daha çox belə uzaq qalaktikalar tapa biləcəklər, bəziləri daha da uzaqda ola bilər.

Günel Məlikzadə