Arıqlamağın qarşısını alan içki – Açıqlama

“Sağlamlığı və yaxşı bədən quruluşunu qorumaq üçün işlənmiş ət məhsulları, ağ çörək, fast food, şirin soda və spirtli içkilərdən imtina etməlisiniz”

News24.az Medianews.az-a istinad edərək xəbər verir ki, bunu endokrinoloq Angela Tolmasova bildirib.

Həkim xəbərdarlıq edib ki, alkoqol artıq çəki artımına gətirib çıxarır, fiqurunuz və sağlamlığınız üçün zərərlidir. O izah edib ki, alkoqollu içkilərin tərkibində yalnız qida maddələri olmayan kalori var. Bundan əlavə, güclü içkilərdən sui-istifadə qaraciyər və ürək xəstəliklərinin, həmçinin insult və hipertoniyanın inkişaf riskini artırır.

“Siz onu alkoqolsuz və ya az alkoqollu şərab və ya pivə ilə əvəz etməyə cəhd edə bilərsiniz. Bu, qaraciyər və mədəaltı vəzinə yükü azaldacaq. Üstəlik, daha az kalorili olacaq”, – deyə həkim bildirib.