Nadir xəstəlik: 21 aylıq körpə qan ağlayır

İngiltərədən olan 21 aylıq balaca Aretria Bice, dostları, ailəsi və yad adamların sevimli hesab etdiyi iri mavi gözlərlə doğulub.

News24.az xəbər verir ki, 2023-cü ilin may ayında, o, hələ altı aylıq olarkən, Aretrianın bir gözü "süd rənginə" çevrilib və işığa qarşı həssas olub.

Xəstəxanaya yerləşdirildikdən sonra Aretriaya ikitərəfli anadangəlmə qlaukoma, optik sinirdə həddindən artıq və artan təzyiqə səbəb olan genetik anormallıq diaqnozu qoyulub.

Körpə bir sıra təcili cərrahiyə əməliyyatları keçirib və gözündən artıq mayeni çıxarmaq üçün boru taxılıb. Lakin əməliyyatlar uğursuz alınıb və gözlərindən biri qan ağlayıb.

Aretrianın anası Louise Bice deyib: 

"Gözlərindən qırmızı qan axırdı. Mən o qorxu filmlərindən birindən çıxmış kimi hiss etdim. İndi altıncı əməliyyatını olacaq. Gözləri böyüməyə davam edir və əməliyyatdan sonra da kiçilmə şansı yoxdur".

Körpəsinin sutkanın 24 saatı eynək taxdığını ifadə edən Luiza, "Yuxudan oyananda görmədiyi və çox qorxduğu üçün gecələr belə eynək taxmalı olur" deyib.

"İndi dostlarım körpələrinin fotolarını sosial şəbəkələrdə yerləşdirəndə, onların normal ölçüdə olub-olmadığını yoxlamaq üçün davamlı olaraq gözlərinin içinə baxıram. İstəmirəm ki, balaca qızımın başına gələnləri başqası yaşasın. İnsanlar semptomların nə qədər tez fərqinə varırlar, bir o qədər yaxşıdır" deyə əlavə edib.

Günel Məlikzadə