Təl-Əvivə PUA hücumu

İsrailin paytaxtı Təl-Əvivin mərkəzində, ABŞ səfirliyinin yaxınlığında gecə saatlarında güclü partlayış olub.

News24.az xəbər verir ki, İsrail fövqəladə hallar xidmətinin Red Star of David tərəfindən verdiyi açıqlamaya görə, 50 yaşlarında bir kişi qəlpə səbəbiylə həyatını itirib. Qəlpə və partlama nəticəsində ikisi evdə, ikisi küçədə yaralanan 4 nəfərə sağlamlıq qrupları müdaxilə etdi.

İsrail ordusu sözçüsü tərəfindən verilən açıqlamaya görə, Təl-Əvivdə partlayış "hava elementi" səbəbindən baş verib və xəbərdarlıq sirenləri səslənməyib.

Hücumla bağlı istintaq açıldığı və bölgədə təhlükəsizlik qüvvələrinin çalışdığı bildirilib. İsrail hava qüvvələrinin İsrailin hava məkanını qorumaq üçün patrullarını gücləndirdiyi və ordunun vətəndaşlara təhlükəsizlik xəbərdarlığında heç bir dəyişiklik olmadığı bildirilib.

Digər tərəfdən, Yəməndə İranın dəstəklədiyi husilərin hərbi sözçüsü Yəhya Seri X sosial media hesabından verdiyi açıqlamada Təl-Əvivə hücum olduğunu təsdiqləsə də, təfərrüatları daha sonra açıqlayacaqlarını bildirib.

İsrail mətbuatında partlayışın Tel-Əvivdəki ABŞ səfirliyinin binasının çox yaxınlığında baş verdiyi qeyd edilib.

Paytaxt Təl-Əvivdə baş verən güclü partlayışın səsi və çaxnaşmaya səbəb olduğu anların görüntüləri sosial mediada paylaşılıb.

Qeyd edək ki, Yəməndəki husilər İsrailin Qəzzaya hücumlarına cavab olaraq şərq pilotsuz təyyarələri və raketləri ilə İsrailə qarşı cavab hücumu həyata keçirdiklərini açıqlayıb və bu hücumların görüntülərini paylaşıblar.

Günel Məlikzadə