Nazirlikdən meymunun dişlədiyi əcnəbi ilə bağlı AÇIQLAMA

Səhiyyə Nazirliyi Bakıda meymunun dişlədiyi Böyük Britaniya vətəndaşının durumu barədə məlumat yayıb.

Nazirlikdən News24.az-a verilən məlumata görə, ötən gün saat 21:11-də 58 yaşlı Böyük Britaniya vətəndaşı sol saidin dişlənmiş yarası diaqnozu ilə Təcili Tibbi Yardıma müraciət edib.

"Həkimlər onu 1 saylı Kliniki Tibbi Mərkəzə çatdırıblar. Kliniki Tibbi Mərkəzdən aldığımız məlumata görə, Böyük Britaniya vətəndaşının yarası işləndikdən sonra ona zərdab vurulub. Hazırda ambulator müalicə alır.

Yaralı həkimlərə meymun tərəfindən dişləndiyini deyib", - nazirlikdən bildirilib.