Koronavirusla bağlı zarafat etdi, SAXLANILDI

Torontodan Yamaykaya uçan Kanadanın "WestJet" təyyarəsindəki sərnişinlərdən birinin koronavirusa yoluxması ilə bağlı zarafatına görə, təyyarə hava limanına qayıdıb.

News24.az "CBC"-yə istinadən xəbər verir ki, sərnişinlərdən biri ekipaj heyətinə yaxınlarda Çindən qayıtdığını və orada ölümcül koronavirusa yoluxduğunu bildirib.

Bu məlumat laynerin kapitanına ötürüldüb və pilot Torontoya qayıtmaq qərarına gəlib. Hadisə zamanı təyyarənin göyərtəsində 243 sərnişin olub.

Sonradan məlum olub ki, sərnişin sadəcə zarafat edib. Torontoya endikdən dərhal sonra 29 yaşlı şəxs saxlanılıb. O, aviaşirkətə ziyan vurmaqda ittiham olunur.