Tərtərdə koronavirus xəstəsi ictimai yerdə aşkar olundu

Tərtər Rayon Polis Şöbəsinin əməkdaşları tərəfindən COVID-19 virusunun yayılmasının qarşısının alınması məqsədilə həyata keçirilən nəzarət-profilaktik tədbirlər zamanı xəstəliyə yoluxmuş şəxsin müalicə aldığı ünvanı tərk etdiyi aşkar olunub.

DİN-in Mətbuat Xidmətinin Bərdə regional qrupundan News24.az-a verilən məlumata görə,  Tərtər RPŞ-nin əməkdaşları tərəfindən keçirilən tədbirlərlə rayonun Yuxarı Qaradağlı kənd sakini Vüsal Məmmədovun özünütəcrid müddəti bitmədən yaşadığı ünvanı tərk etdiyi müəyyən edilib. V.Məmmədov kənd ərazisindəki mağazanın qarşısında aşkar edilərək onunla izahedici söhbətlər aparılıb, tibbi prosedurlar gözlənilməklə yaşadığı evə qaytarılıb.