320 min insan mitinqə gəlib!

Türkiyə Prezidenti Rəcəb Tayyib Ərdoğan hazırda Ankarda Prezident Sarayı qarşısında çıxış edir.

News24.az xəbər verir ki, Ərdoğan dəstək mitinqində 320 min insanın iştirak etdiyini bildirib.

"Siz Cümhur İttifaqını bu yolda tək qoymadınız, biz gecə-gündüz bu yolda getdik, yenə bizə bu vəzifəni həvalə etdiniz. İnşallah Türkiyənin 100 ilini birlikdə inşa etməyə və yaşatmağa davam edirik. Əziz millətim... Ekranlarında bizi izləyən dəyərli vətəndaşlarım. Hörmətli Ankaralılar... Hörmətli səbəbkar dostlar, sizi ən səmimi hisslərimlə, hörmət və məhəbbətlə salamlayıram. Şükürlər olsun ki, prezident seçkilərinin ikinci turu heç bir ciddi problem olmadan başa çatdı. Seçkilərin qeyri-rəsmi nəticələrinə görə, millətimiz daha 5 il müddətinə Prezidentliyi bizə həvalə edib. Bizi ölkəni idarə etmək məsuliyyətinə layiq edən millətimin hər bir üzvünə minnətdarlığımı bildirmək istəyirəm. Çoxpartiyalı siyasi həyatımızın ən mühüm seçkilərindən birində millətimiz öz qərarını türk əsrinin xeyrinə verdi... Qalib bizim demokratiyadır. Xatırlayırsınızsa, hər fürsətdə qalib gələndə ölkəmizdə heç kim uduzmayacağını demişdik. Biz bir daha eyni söz veririk. Bu gün heç kim itirmədi. Bütün 85 milyonun hamısı qazandı...", - Ərdoğan qeyd edib.

Qeyd edək ki, 28 mayda Türkiyədə keçirilən prezident seçkilərinin ikinci turundan Rəcəb Tayyib Ərdoğan 52,2% səslə qalib gəlib.