Həyatımı Putinə borcluyam, sonu ölüm olsa belə... - Kadırov

Çeçenistan rəhbəri Kadırov iki dəfə həyatını Rusiya Prezidenti Vladimir Putinə borclu olduğunu və nəticəsi ölüm olsa belə, onun istənilən əmrini yerinə yetirməyə hazır olduğunu bildirib. 

News24.az xəbər verir ki, Kadırovun sözlərinə görə, o, Putinə daha çox sadiq birinin olduğunu bilsə, qəfil ölə bilər. Çeçenistan rəhbəri əlavə edib ki, o, iki dəfə həyatını dövlət başçısına borcludur.

“Mən Rusiya Ali Baş Komandanının piyadasıyam və özümə mənsub deyiləm. Mən dinə, vətənə, onun mənafeyinə mənsubam. Mən Vladimir Vladimiroviçin istənilən sifarişini yerinə yetirməyə hazıram”, – o, teleqram kanalında yazıb.

Kadırov daha əvvəl də Putinə həyatını borclu olduğunu bildirib. Belə ki, 2016-cı ildə TASS-a müsahibəsində o, Rusiya Prezidentinə sonsuz sadiq olduğunu, lakin təkcə onun xidmətində deyil, şəxsən özünün də sadiq olduğunu bəyan edib. “Mən ona həyatımı borcluyam. Mən Vladimir Vladimiroviçin necə bir insan olduğunu, xalqım və şəxsən mənim üçün nə etdiyini bilirəm”, - deyə o bildirib.

O, atası Axmat Kadırovun 2004-cü ilin mayında terror aktında həlak olmasından sonra Putinin Ramzan Kadırova “çeçen xalqının və bütün Rusiyanın düşmənlərinə, terrorçulara və şeytanlara qarşı vuruşmaq” imkanı verdiyini deyib.

Akqabay