Skuter sürənlərə cərimə
    • 27-05-2024, 14:08
    • 129

Skuter sürənlərə cərimə

Rusiyada Dövlət Dumasının Qanunvericilik və Dövlət Tikintisi Komitəsi şəxsi mobillik cihazlarından (SİM) - skuterlərdən, tək velosipedlərdən və digər oxşar cihazlardan istifadə edən vətəndaşlar üçün bir sıra cərimələr tətbiq edən qanun layihəsini təsdiqləyib. 

News24.az xəbər verir ki, bəzi hallarda cərimənin məbləği 30 min rubla çatır.

Qanun layihəsinə görə, SİM-dən istifadə edən şəxs qəzadan və ya polis əməkdaşının dayanmasından sonra, lakin sərxoşluqla bağlı tibbi müayinədən əvvəl spirtli içkilər, o cümlədən narkotik və ya psixotrop maddələr qəbul edərsə, onu 30 min rubl məbləğində inzibati cərimə gözləyir. 

Qəza zamanı vəzifələrini yerinə yetirmədiyinə görə SİM istifadəçilərinə 1 min rubl, qəza yerini tərk etməyə görə 1-1,5 min rubl cərimə edilməsi təklif olunur. Yol hərəkəti qaydalarını pozduqlarına görə SİM sürücülərin 800 rubl, sərxoş halda törədildiyi təqdirdə isə 1-1,5 min rubl məbləğində cərimə edilməsi planlaşdırılır.

Günel Məlikzadə