REKORD QİYMƏT: 4 milyon dollarlıq inək - FOTOlar

Viatina-19 FIV Mara Movéis adlı inək 4 milyon dollara satılaraq "ən bahalı inək" rekordu sahib olub. 1100 kiloluq inəyin çəkisi onun cinsinin orta çəkisindən iki dəfə artıqdır.

News24.az xəbər verir ki, təhlükəsizlik kameraları, baytar həkim və silahlı mühafizəçi tərəfindən izlənilən Viatina-19 sahibləri magistral yol boyunca reklam lövhələri yerləşdirərək, maraqlı qonaqları və fermerləri bu super inəyi görməyə dəvət ediblər.

İnəklərin bu qədər baha olmasının səbəbi əzələ kütləsinin sürətlə artması, məhsuldarlığı və bu xüsusiyyətlərin nəsillərinə ötürülmə tezliyi ilə bağlıdır. Yetiştiricilər bildirirlər ki, nəsil yetişdirmək üçün Viatina-19-dan yumurta hüceyrələrinin alınması 250 min dollardır.

İqlim alimləri insanların istixana qazlarının ən böyük mənbəyi olan və Amazonun meşələrinin qırılmasına töhfə verən mal əti istehlakını azaltması ilə razılaşırlar. Lakin mal-qara sənayesi Braziliyanın iqtisadi inkişafının mühüm mənbəyidir və hökumət yeni ixrac bazarlarını fəth etməyə çalışır. Dünyanın ən böyük mal əti ixracatçısı hər kəsin, hər yerdə onun mal ətini yeməsini istəyir.

Qeyd edək ki, sosial media hesabları olan Viatina-19, Braziliyanın mal əti ixracat ambisiyalarının simvolu olaraq görülür.

Günel Məlikzadə