-
- 5-07-2024, 09:46
- 129
Kolumbiyada partlayıcı işə düşdü: Əsgərlər həlak oldu
Cənubi Amerika ölkəsi Kolumbiyada uzaqdan idarə olunan partlayıcının işə salınması nəticəsində 6 əsgər həyatını itirib, 4 əsgər isə yaralanıb.
News24.az xəbər verir ki, Antioquia inzibati bölgəsindəki Koposa kəndinin kənd ərazisində əməliyyat keçirən əsgərlərə uzaqdan idarə olunan partlayıcı qurğu ilə hücum təşkil edilib.
Partlayışda 6 əsgər həyatını itirib, 4 əsgər isə yaralanıb.
Qeyd edək ki, yaralı əsgərlər helikopterlə xəstəxanaya aparılıb. Bölgədə genişmiqyaslı əməliyyatlar davam edir.
Kolumbiya Prezidenti Qustavo Petro X hesabında etdiyi paylaşımda əsgərlərin ölümündən dərin kədərləndiyini bildirib və ailələrinə başsağlığı verib.
Bir müddətdir ki, ordunun silahlı təşkilatlara qarşı əməliyyatlar apardığı mətbuatda yer alıb.
Günel Məlikzadə