Dubay şəhzadəsindən maraqlı paylaşım - SƏNDƏN BOŞANIRAM...

Dünyanın hər yerindən milyonlarla izləyicisi olan məşhur şahzadə ərini "İnstagram" üzərindən boşadığını açıqlayıb. 

News24.az xəbər verir ki, sosial mediaya böyük təsir göstərən bu hadisə ənənəvi boşanma proseslərindən çox fərqli şəkildə baş verib.

Şahzadə, "İnstagram"da olan paylaşımında əri ilə evliliyini bitirmək qərarına gəldiyini və bu qərarın verilməsinin səbəblərini izah edib. 

"Əziz ərim, başqa işlərlə məşğul olduğun üçün buradan yazıram. Mən səndən boşanıram, səndən boşanıram, səndən boşanıram. Diqqətli ol. Keçmiş həyat yoldaşın", - deyə paylaşıb.

Bu paylaşım şahzadənin izləyiciləri arasında böyük təəccübə səbəb olub. İzləyicilərin bəziləri şahzadənin cəsur və açıq ürəkli davranışını tərifləsələr də, digərləri bu metodun nə qədər düzgün olduğunu tənqid ediblər. 

Sosial medianı, şəxsi və özəl məsələləri bu qədər açıq şəkildə paylaşmağın düzgün olub-olmaması ilə bağlı müzakirələr də yenidən alovlanıb.

Şahzadənin boşanma prosesinin necə davam edəcəyi və bu qərardan sonra hansı yolla gedəcəyi maraq mövzusudur. 

Məryəm İlhamqızı