BMT-dən Banqladeş çağrışı

Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk Banqladeşdəki hadisələrlə bağlı yazılı açıqlama verib.

News24.az xəbər verir ki, Banqladeşdə hakimiyyətin sülh yolu ilə və insan haqlarının rəhbərliyi altında həyata keçirilməsinin vacibliyinə diqqət çəkən Türk, ölkənin beynəlxalq öhdəliklərinə uyğun hərəkət etməsinin həyati əhəmiyyət daşıdığını, yüzlərlə insanın ölümünə və yaralanmasına görə məsuliyyət daşıdığını bildirib. 

"Keçid şəffaf və hesabatlı, açıq və bütün Banqladeşlilərin mənalı iştirakını əhatə edən şəkildə aparılmalıdır. Bundan sonra heç bir zorakılıq və ya qisas olmamalıdır", - Türk deyib. 

Ölkədə ən qısa zamanda demokratik nizam və qanunun aliliyinin bərqərar olması lazım olduğunu vurğulayan Türk, bütün fövqəladə tədbirlərin beynəlxalq hüquqa uyğun olaraq məhdudlaşdırılması lazım olduğunu bildirib.

Türk, "Özbaşına saxlanılan hər kəs azad edilməli və insan haqlarının pozulmasına görə məsuliyyət daşıyan hər kəs cavab verməlidir" dedi. 

Türk, xalqın "ədalət və islahat tələblərinin" dinlənilməsi lazım olduğuna diqqət çəkib.

Qeyd edək ki, Banqladeş ordusu Baş nazir Vecidin rəsmi iqamətgahını tərk etməsindən sonra ölkədə keçid hökumətinin qurulacağını açıqlayıb.

Günel Məlikzadə