Bakıda müğənni yol qəzası zamanı XƏSARƏT ALDI - FOTO

Bakının Səbail rayonunda yol-nəqliyyat hadisəsi baş verib.

News24.az APA-ya istinadla xəbər verir ki, hadisə Salyan şosesində baş verib.

Lamiyə Abdullayeva idarə etdiyi “Nissan” markalı nəqliyyat vasitəsi ilə köməkçi yoldan əsas yola çıxarkən “Mercedes” markalı maşına çırpılıb. Qəza nəticəsində L.Abdullayeva xəsarət alıb. Hər iki avtomobilə ciddi ziyan dəyib.

Faktla bağlı araşdırma aparılır.

Qeyd edək ki, L.Abdullayeva müğənni kimi fəaliyyət göstərir.