Qəzzada atəşkəs olacaq?

HƏMAS-ın adını açıqlamayan yüksək səviyyəli rəsmisi açıqlamasında Misir və Qətərə təqdim edilən təklifin təfərrüatları barədə məlumat verib.

News24.az-ın məlumatına görə, rəsmi bildirib ki, təklifin birinci mərhələsi İsrail əsgərlərinin Qəzzanın şəhər mərkəzlərindən və Əl-Rəşid və Səlahəddin küçələrindən çıxarılması, köçkünlərin cənubdan şimala qaytarılması, yardımların keçməsinə icazə verilməsi və onların azad edilməsidir. 700-dən çox fələstinli əsir qarşılığında israilli qadın, uşaq və qoca əsir alındı.

Buna uyğun olaraq qeyd edilib ki, ikinci mərhələ Qəzzada əsir düşən əsgərlərin azad edilməsini və bu proses başlamazdan əvvəl daimi atəşkəsin elan olunmasını nəzərdə tutur.

O, bəyan edib ki, HƏMAS hazırkı mərhələdə hər bir "canlı" qadın əsiri azad etmək müqabilində 30-u ömürlük həbsə məhkum edilmiş 50 fələstinli məhbusun azad edilməsini istəyir.

Sözügedən məmur üçüncü mərhələ ilə bağlı məlumat verməyib.

HƏMAS-ın gecə saatlarında verdiyi açıqlamada İsraillə atəşkəs, əsir mübadiləsi razılaşması ilə bağlı təklifin Qətər və Misirdəki vasitəçilərə çatdırıldığı bildirilib.

Qeyd edək ki, İsrailin baş naziri Benyamin Netanyahu Qəzzaya hücumların dayandırılması və qarşılıqlı məhbus mübadiləsi ilə bağlı HƏMAS-ın son təklifində tələblərini "məntiqsiz" adlandırıb.

Günel Məlikzadə