“İlhamə Quliyeva qazana görə məni məhkəməyə vermişdi”

Xalq artisti İlhamə Quliyevanın çox qalmaqallı sənətkar olduğu məlum idi. O, həmkarlarını hər xırda məsələyə görə məhkəməyə verə bilərdi. Onun ən maraqlı məhkəmə işlərindən biri də şoumen Sərxan Kərəmoğlu ilə olub.

News24.az Lent.az-a istinadla xəbər verir ki, Sərxan Kərəmoğlu proqramlardan birində bildirib ki, müğənni ilə ən azı 50 dəfə məhkəməlik olub.

“Onunla 50 dəfə məhkəməlik olmuşdum. Mövzu tapmırdıq ki, bir-birimizi məhkəməyə verək. Sonuncu dəfə qazanını alıb qaytarmadığıma görə İlhamə xanım məni məhkəməyə vermişdi”, - o bildirib. 

“İlhamə Quliyeva ilə aramızda bir neçə dəfə qalmaqal yaşanıb, haqqıma girdiyi üçün ona demişdim ki, səni bağışlamayacağam. Dedim mən ölsəm, sən, sən də ölsən, mən gəlməyəcəyəm dəfninə. Söylədi ki, heç olmasa, gecəni meyitimin başı üstə dayanarsan. Başı üstə dayansam da, dəfninə getmədim”,- şoumen söyləyib.