Rusiya ordusunda korrupsiya böhranı

Rusiya mətbuatında yer alan xəbərlərə görə, Rusiya Baş Qərargah rəisinin müavini general-leytenant Vadim Şamarini külli miqdarda rüşvət almaqda şübhəli bilinərək saxlanılıb.

News24.az xəbər verir ki, bu, aprelin 23-də müdafiə nazirinin müavini Timur İvanovun rüşvətxorluqda şübhəli bilinərək saxlanılması ilə başlayan bir ay ərzində yüksək rütbəli müdafiə zabitinin iştirak etdiyi dördüncü həbs olub.

Kreml həbsin korrupsiyaya qarşı mübarizə çərçivəsində aparılan ardıcıl işin bir hissəsi olduğunu bəyan edib.

Bəyanatda deyilir ki, “Bu, kampaniya deyil, davamlı işdir, hüquq-mühafizə qüvvələrimizin fəaliyyətinin tərkib hissəsidir”.

RUSİYA ORDUSUNDA HƏBS DALĞASI

O vaxtdan bəri Müdafiə Nazirliyinin Baş Qərargah rəisi general-leytenant Yuri Kuznetsov və Rusiyanın 58-ci ordusunun keçmiş komandanı, general-mayor İvan Popov da həbs edilib.

Qalmaqal son illərdə Rusiya hökumətini vuran ən böyük korrupsiya hadisəsidir. Həbslər müdafiə qüvvələrində korrupsiyanın aradan qaldırılması üçün böyük səy göstərildiyinin sübutudur.

Şamarin Baş Qərargah rəisinin müavini Valeri Gerasimovdur. Gerasimov vaxtaşırı Rusiya hərbçilərinin Ukraynadakı müharibədəki fəaliyyətinə görə sərt tənqidlərlə üzləşsə də, ona qarşı hər hansı korrupsiya ittihamı irəli sürülməyib.

MÜDAFİƏ NAZİRLİYİNDƏ DƏYİŞİKLİK KÜLƏYİ

Xaqtırladaq ki, Prezident Vladimir Putin bu ay uzun müddətdir müdafiə naziri olmuş Sergey Şoyqunu istefaya göndərib. Onun yerinə keçmiş baş nazirin müavini, iqtisadçı Andrey Belousovu təyin edib.

Ordu təcrübəsi olmayan Belousovun təyinatı Rusiyanın müharibə iqtisadiyyatını ordunun ehtiyaclarına daha təsirli şəkildə yönəltmək, müdafiə xərclərində israfı və korrupsiyanı aradan qaldırmaq üçün atılmış addım kimi qiymətləndirilib.

RUSİYA ORDUSUNUN TƏRƏQQİSİ

Onu da qeyd edək ki, Ukraynada müharibəsinin üçüncü ilinə qədəm qoyan Rusiya təşəbbüsü bərpa edib və son bir neçə ayda bir sıra irəliləyişlər əldə edib.

Putin keçən həftə müharibənin uğurla davam etdiyi üçün Baş Qərargahda hər hansı dəyişiklik planlaşdırmadığını söyləyib.

Günel Məlikzadə