Çempion Qalatasaray coşğulu qarşılandı - FOTOlar

Superliqanın 38-ci və son həftəsində səfərdə "TÜMOSAN Konyaspor"u 3:1 hesabı ilə məğlub edən "Qalatasaray" mövsümü ən yaxın izləyicisi "Fənərbaxça"nı 3 xal qabaqlayaraq lider olaraq başa vurub.

News24.az xəbər verir ki, ardıcıl ikinci, ümumilikdə isə 24-cü çempionluğunu qazanan “Qalatasaray” Konyadan qalxan şəxsi təyyarə ilə İstanbula gəlib. Başçı Dursun Özbek, idarəçilər, məşqçi Okan Buruk və komandası ilə futbolçular İstanbul Hava Limanı Baş Aviasiya Terminalından ayrılıb.

Qalatasaray komandası matçdan sonra Konya Hava Limanından qalxan şəxsi təyyarə ilə İstanbul Hava Limanı Baş Aviasiya Terminalına gəlib. Hava limanından bir-bir ayrılan sarı-qırmızılı futbolçular çempionluq sevincini doya-doya yaşayıblar.

Daha sonra onları gözləyən avtobusa minən Qalatasaray komandası azarkeşləri ilə görüşmək üçün Florya Metin Oktay Təsislərinə doğru yollanıb.

Matç öncəsi Floryaya toplaşan azarkeşlər komandaları coşqu ilə qarşılayıblar.

Floryada getdikcə sıxlaşan sarı-qırmızılı azarkeşlər obyektlərin ətrafındakı küçələri tamamilə doldurublar. Məşəllər yandıraraq çempionat coşğusu yaşayan azarkeşlər baş məşqçi Okan Buruk və futbolçuları alqışlayıblar.

Günel Məlikzadə