Çin Filippin ordusuna hücum etdi

Cənubi Çin dənizində Çin və Filippin arasında gərginlik artır.

News24.az xəbər verir ki, Filippin Silahlı Qüvvələrindən verilən açıqlamada, 17 iyunda Çin Sahil Mühafizəsi personalının Filippin Silahlı Qüvvələrinin 1999-cu ildə İkinci Thomas Shoalda quruya çıxan BRP Sierra Madre gəmisinə təchizat əməliyyatlarının qarşısını aldığı bildirilib. 

Bildirilib ki, Filippin əsgərləri Çinin təqiblərinə cəsarətlə cavab verib və mövqelərini qoruyub saxlayıblar.

Filippin Silahlı Qüvvələrinin beynəlxalq hüquq normalarına riayət etmək və regionda sülhün qorunmasında peşəkarlığını davam etdirdiyi vurğulanıb.

Çin Sahil Mühafizəsinin əməkdaşları filippinli qayığı yedəkləmək üçün iplər bağlayarkən filippinli əsgəri balta ilə yaralamaqla hədələyiblər.

Açıqlamaya görə, Çin Sahil Mühafizəsi şişmə qayıqla Filippin əsgərinə hücum edib və kəsici alətlərlə başqalarına zərər verməklə hədələyib.

Bəyanatın davamı olaraq, "Bu şiddətli qarşıdurma zamanı Çin Sahil Mühafizəsi də daim sirenlər səsləndirərək, xaosu və çaşqınlığı gücləndirərək rabitəni daha da pozmaq üçün gözyaşardıcı qazdan istifadə edib".

Qeyd edək ki, Çin Sahil Mühafizəsinə məxsus iki qayığın Filippin ordusunun şişmə qayığını hər iki tərəfdən sıxaraq sürüklədiyi də bildirilib.

“Piratçılıq aktı olaraq, Çin Sahil Mühafizəsinin əməkdaşları ləvazimatları qarət etməyə və avadanlıqları oğurlamağa başladılar”, - deyə məlumatda bildirilir.

ÇİNDƏN BƏYANAT

Çin Xarici İşlər Nazirliyinin sözçüsü Lin Jian mətbuat konfransında "Çin Sahil Mühafizəsinin hadisə yerində atdığı addım peşəkar və ölçülü idi" deyib.

Lin, "qanunsuz" tədarük missiyasını dayandırmağa çalışdıqlarını bildirib.

Günel Məlikzadə