"Atletiko Madrid" Mert Furkanla maraqlanır

Dünya nəhənglərindən olan "Atletiko Madrid"in TFF 2-ci Liqa komandalarından "Altınordu"nun gənc milli qapıçısı Mert Furkan Bayramla maraqlandığı iddia edilib.

News24.az xəbər verir ki, İspan komandasının Mert Furkan üçün cəhdlər etməyə başladığı və Altınordulu heyətlə oturduğu bildirilib.

"Atletiko Madrid"in 19 yaşlı qolkiper üçün sıx səy göstərdiyi qeyd edilərkən, son danışıqların aparıldığı və növbəti satışdan alınacaq payla bağlı detalların müzakirə edildiyi vurğulanıb.

Klublar razılığa gəlsə, Mert Furkan Atletico Madrid ilə 5 illik müqavilə imzalayacaq.

Qeyd edək ki, bir çox futbolçu yetişdirən “Altınordu”nun perspektivli adlarından olan Mert Furkan 2023-2024 mövsümündə ilk dəfə çıxış etdiyi peşəkar liqadakı çıxışı ilə diqqət çəkib.

Bu müddətdə U18 və U19 Milli Komandalarına yüksəlməyi bacaran 19 yaşlı qolkiper TFF 2-ci Liqasında 16 matçda ilk 11-likdə yer alıb.

Mert Furkan 2024-cü ildə Şimali İrlandiyada keçirilən 19 yaşadək futbolçulardan ibarət komandalar arasında Avropa çempionatında ulduz və aypara komandasının qapısını hələ də qoruyur.

U-19 Milli Komandası Mertin 11-ci heyətdə çıxış etdiyi B qrupunda ilk oyununda Fransaya 2:1 hesabı ilə uduzub.

Günel Məlikzadə