Bakıda dayanacaqlar “tok” keçirir?

Xəbər verdiyimiz kimi,  Bakıda 4 yaşlı uşağı dayanacaqda oturarkən “tok” vurub.

News24.az-ın məlumatına görə, “Baku TV” məsələ ilə bağlı hadisə yerində olub.

Bildirilib ki, bu halın baş verməsinə monitora bağlanan elektrik naqilləri səbəb olub.

İnsident zamanı orada olan şahid hadisəni belə təsvir edib: “Mən parkda oturarkən hadisəyə şahid oldum. Qışqırıq sesi eşitdim, gördüm ki, uşaq yıxılıb və ona kömək edirlər. AYNA-nın işçiləri də gəldi, dedilər ki, burada cərəyan var. Bundan öncə də belə hadisə baş verib. Amma burada uşağın vəziyyəti daha da pis idi”.

Həmçinin qeyd edilib ki, hadisədən sonra elektrik naqillləri monitordan ayrılıb.