Aliment ödəmədiyi üçün 3 mindən çox şəxs axtarışa verilib

Aliment ödəmədiyi üçün axtarışa verilən şəxslərin sayı açıqlanıb.

News24.az-ın xəbərinə görə, Ədliyyə Nazirliyinin İcra Baş İdarəsinin Analitik-nəzarət şöbəsinin aparıcı məsləhətçisi Kəmalə Əhmədova "Aliment və digər borc tələblərinə dair qərarların icrası” mövzusunda feysbukda keçirilən canlı yayımda deyib.

O bildirib ki, ilk yarım il üçün təxminən 3 mindən çox şəxs axtarışa verilib. Eyni zamanda aliment tələblərinə dair icra sənədlərində bir sıra çətinliklər mövcuddur: "Əsas çətinliklər borcluların iş yerlərinin, gəlirlərinin olmaması, maddi vəziyyətlərinin aşağı olması, pandemiya ilə bağlı yaranmış şərait, borcluların ağır xəstə, əlilliyinin olması, yaşayış yerlərinin olmamasıdır".