Lazımsız əşyalar arasında nənəsinin çox bahalı Olimpiya medalını tapdı

Ailəsi tərəfindən daim “axmaq” hesab edilən Lüsi Morton 1924-cü il Paris Olimpiadasında qızıl medal qazanıb. O, 1924-cü ildə Britaniyanın qadınlar arasında üzgüçülük üzrə ilk qızıl medalını qazanan idmançı olub.

News24.az Sfera.az-a istinadla bildirir ki, ingilis qadın nənəsi Lüsi Mortonun aldığı qızıl medalın nə qədər baha olduğunu öyrənəndə şoka düşüb. O dövrdə medallar həqiqətən də qiymətli metallardan və çox məhdud miqdarda hazırlanırdı.

Culiya adlı qadın nənəsi Lüsi Mortonun uzun müddət qutuda ucuz zinət əşyaları arasında qalmış Olimpiya medalının nə qədər qiymətə olduğunu öyrənmək üçün dəyərləndirmə şirkətinə müraciət edib.

Qiymətləndirmə üzrə ekspert Adam Şunun dediyinə görə, Lusinin bütün medal dəsti təxminən 30.000 funt sterlinq dəyərindədir. Lüsinin 1924-cü il Paris Olimpiadasında aldığı qızıl medal isə unikaldır. Təkcə bu medalın qiyməti isə 15.000 funt sterlinqdən çoxdur.

Culiya nənəsinin 10 yaşında üzgüçülüklə məşğul olmağa başladığını və Paris Olimpiadasında iştirak etdiyini, lakin heç kimin ondan böyük uğur gözləmədiyini bildirib. Lakin o, 200 metr məsafədə qızıl medal qazanıb.

"Atası ona: “Sən lalsan və məktəbdə dərslərini də yaxşı oxumursan. Gəl səni üzgüçülüyə qoyaq” deyib”- deyə Culiya bildirir.

Ekspert medalların toplanması ilə maraqlanıb. O bildirib ki, Lüsi öz dövründə əsl üzgüçülük ulduzu olub və bir neçə dünya rekordu yeniləyib. Bəzi medallar hətta 20-ci əsrin əvvəllərində bütöv qızıldan hazırlanırdı.

Adam daha sonra ən böyük medalı, Olimpiya qızılını göstərib və Culiya bu barədə sevinclə danışıb.

"1923-cü ildə onunla maraqlandılar və ondan 1924-cü il Paris Olimpiadasına hazırlıq üçün üzgüçülüklə məşğul olmasını istədilər. O, çox məşq edib Parisə getdi. Onun qalib gələcəyi və ya buna bənzər bir şey gözlənilmirdi. Amma 200 m-lik məsafədə qızıl medal qazanıb. Bununla da, Böyük Britaniya üçün üzgüçülükdə qızıl medal qazanan ilk qadın üzgüçü olub”.

Qiymətləndirmə eksperti izah edib ki, 1924-cü il Olimpiya medalı olduqca nadirdir və təmiz qızıldan hazırlanan cəmi 304 medaldan biridir.

“Dizayn Parisdə Andre Rivo adlı şəxs tərəfindən Paris Sikkəxanasında hazırlanıb. Bildiyimə görə, cəmi 304 ədəd hazırlanıb” - deyə Culiya bildirib.

Culiya, nənəsi Lusinin karyerasını bitirdikdən sonra da üzməyə davam etdiyini deyir. O, Olimpiya komandasına məşqçilik edib və üzgüçüləri yarışlarda müşayiət edib.