Kim: Bu qurğular "əzici güc" verəcək

Şimali Koreya Mərkəzi Xəbər Agentliyinin (KCNA) məlumatına görə, Şimali Koreya lideri Kim Çen In Pxenyanda 250 yeni tip ballistik raket buraxılış qurğusunun təhvil verilməsi mərasimində iştirak edib.

News24.az xəbər verir ki, mərasimdə çıxış edən Kimin bildirdiyi kimi, yeni buraxılış qurğuları cəbhə qoşunlarına Cənubi Koreyaya qarşı "əzici hərbi güc" verəcək və "taktiki" nüvə silahlarının istifadəsini daha praktik və səmərəli edəcək.

Qeyd olunub ki, bu buraxılış qurğuları ölkənin hərbi sursat zavodları tərəfindən yeni istehsal edilib və “taktiki” ballistik raketləri vurmaq üçün nəzərdə tutulub. Bu termin daha az məhsuldar nüvə silahı daşıya bilən sistemləri təsvir edir.

Günel Məlikzadə