Husilər ABŞ-İsrail casus şəbəkəsini məhv etdilər

Yəməndə ABŞ və İsrail adından casusluq fəaliyyəti həyata keçirən şəbəkəyə qarşı əməliyyat keçirilib. Husilər ABŞ-İsrail casus şəbəkəsini məhv etdiklərini açıqlayıb və həbs olunanlar arasında ABŞ-ın Yəməndəki səfirliyinin keçmiş əməkdaşlarının da olduğunu bildiriblər.

News24.az xəbər verir ki, Husilərin kəşfiyyat rəhbəri Abdel Hakim Al Khaivani, "ABŞ-İsrail casus hüceyrəsi onilliklər ərzində rəsmi və qeyri-rəsmi qurumlarda düşmənin xeyrinə casusluq və təxribat fəaliyyətləri həyata keçirib. ABŞ rəsmiləri ABŞ səfirliyindəki mövqelərindən istifadə edib. ABŞ Səfirliyi Sənanı tərk etdikdən sonra təxribat fəaliyyətləri həyata keçirib. Casus şəbəkəsinin üzvləri daha sonra beynəlxalq və BMT təşkilatları adı altında təxribat fəaliyyətlərini davam etdirdilər" deyib.

Husilər 11 BMT rəsmisini həbs edib

Birləşmiş Millətlər Təşkilatının (BMT) sözçüsü Stefan Dujarrik iyunun 7-də husilərin 11 BMT işçisi də daxil olmaqla bir qrup yardım işçisini saxladığını açıqlayıb.

Digər tərəfdən husilər son üç ildə ABŞ-ın Sənadakı səfirliyində çalışan 20-yə yaxın yəmənli əməkdaşını həbs edib. ABŞ səfirliyi 2014-cü ildə fəaliyyətini dayandırıb.

Günel Məlikzadə